2010-09-21
ජැක් ජැක් ප්‍රෝවස්ට්
අපේ දුවනි ගේ ළදරු පාසලේ වසර අවසාන උත්සවයට මේ දින වල දරු දැරියන් පුහුණුව ලබන්නෝය. දුවනිය මේ දිනවල රැගුමක් පා අමුතුම කවියක් කියන්නීය. එය මෙසේ වේ.
"ජැක් ජැක් ප්‍රෝවස්ට්... ජැක් ජැක් ප්‍රෝවස්ට්".
"මොකක්ද දුවනි ඔය සින්දුව" සොඳුරිය අසන්නීය.
"මේක අම්මා මට තියෙන නැටුම" ඇය සුරතල් වදන් දෙන්නීය.
"මොකක්ද ඔය බාසාව, ඔයාවත් දන්නවද මොකක්ද මේ කියන්නේ කියලා" සොඳුරිය මගෙන් අසන්නීය.
මමත් එය නො දන්නනා බැවින් විපිලිසරව බලා හිදිමි. මොකක්ද මේ "ජැක්, ජැක් ප්‍රෝවස්ට්"
දැන් දවස් කිහිපයක් ඔය නාටකය ඔහොම ගියා කියමුකෝ. ඊයේ දුවනි අළුත් ඉල්ලීමක් කළාය.
"අප්පච්චි මට මේ නැටුමට පොල්පිති හරකෙක් හදලා ඕනේ".
දැන් ඉතිං හොයපල්ලාකෝ පොල්පිත්තක්. මතක නොවැ අර පොල්ලෙල්ලක් හොයන්න කාපු වහක්. නමුත් ඒක නොවේ වැඩේ. දැන් මේ පොල්පිති හරකෙක් අරගෙන නටන නැටුම මොකක්ද ජැක්, ජැක් ප්‍රෝවස්ට් කියලා. බැලින්නම් ඒ කවිය එහෙම නෙමේ එන්නේ. "ජඃ, ජඃ, හෝව් වස්සා" කියලයි ඒක කියවෙන්නේ. ඉතිං, වස්සන් ව ජඃ, කියලා එළවන, හෝව් කියලා නවත්තන අයුරු කවදාවත් දැක නැහැ දුවනි. ඔහොම වැකියක් කීම සිනහවට කරුණකුත් නොවේ නොවෙදැයි මට සිතුනි.
Subscribe to:
Post Comments (Atom)
2 අදහස් දැක්වීම්:
ඉක්මනටම... ගම කියලා කියන්න වෙන්නේ නිස්කලංක තැනකට, වාහන අඩු, දූවිලි අඩු, ගොඩනැගිලි අඩු තැනකට මිසක, උපේක්ෂාව ඇති, එකිනෙකාට උදව් පදව් කරගෙන, යන ලෝකෙටයි මේ ලෝකෙටයි වැඩක් කරගත්තු මින්ස්සු හිටපු තැනකට නෙවේ... ඒක මහා පරමාදර්ශී තැනක් නෙවේ... නමුත් ඒවාගේ සරල මිනිස්සු හිටපු පරිසර මම අත්විඳලා තියනවා..
මොනව කරන්නද... භාහිරය වෙනස් කරන්න අපිට බෑ නෙව...
නිලන්ත, ඔය කියන දේම මටත් වුනා. මගෙ දෝනිගේ සමාසි පෙර පාසලේ.....අන්තිමේදි සින්දුව මොකක්ද කියල හොයාගත්තෙ concert එකේදි.
Post a Comment